கதை….
நாயகி ஃபர்சானா பலதிங்கல்… இவரது 5 வயது மகன் ஆதிசேஷன் கே.ஆர்.. இருவரும் ஜெயிலில் இருக்கின்றனர்.. ஒரு கட்டத்தில் ஒரு பெண் உதவி மூலம் சிறையிலிருந்து விடுதலை ஆகிறார் நாயகி..
எங்கு செல்வது.. எங்கு தங்குவது.. யாரிடம் உதவி கேட்பது என்ற எதுவும் தெரியாமல் அம்மாவும் மகனும் செல்கின்றனர்.. சிறையில் இருந்து வந்தோம் என்று சொன்னால் யாரும் வேலையும் தர மாட்டார்கள்… தங்க இடமும் கொடுக்க மாட்டார்கள் என்பதால் பெயரை மாற்றி பொய்கள் சொல்லி உதவி கேட்கிறார்கள்..
ஒரு கட்டத்தில் ஒரு வயதான பாட்டியை பார்த்துக் கொள்ள அம்மாவுக்கு வேலை கிடைக்கிறது.. அங்கிருந்து பாலன் படிக்கவும் பள்ளிக்கு செல்கிறார்.. அடையாள அட்டை எதுவும் இல்லாத சூழ்நிலையில் அதற்கும் சில திருட்டு வேலைகளை செய்ய வேண்டியதாகிறது..
ஒரு கட்டத்தில் அந்த வயதான பாட்டியும் இறந்து போக அந்த வேலையும் போய்விடுமோ என்ற பயத்தில்.. தன் குழந்தையை எப்படி படிக்க வைத்தார்… எப்படி காப்பாற்றினார்.? இவர்களின் வாழ்க்கை என்ன ஆனது.? என்பதெல்லாம் மீதிக்கதை..
நடிகர்கள்…
சிறுவன் பாலனாக ஆதிசேஷன் கே.ஆர்.. மழலை தனம் மாறாத அழகான முகம்.. அம்மா சொல்லுக்கு கட்டுப்பட்டு அம்மா சொல்லும் பொய்களை கூட அழகாக அப்படியே உச்சரிக்கும் இவனை கண்டால் நமக்கு எடுத்து கொஞ்ச தோன்றும்.. நடிப்பில் அசத்திருக்கிறான் இந்தச் சுட்டிக் குழந்தை…
வளர்ந்த பாலனாக ஜினன்.. பள்ளி விட்டு வந்து அம்மாவுக்காக காத்திருந்து காத்திருந்து அம்மா வராத சூழ்நிலையில் என்ன செய்வது தெரியாமல் யாரோ ஒருவருடன் பயணித்து வாழ்க்கை தடம் மாறி பின்னர் அம்மாவைத் தேடி வரும் இவரது பயணம் வேதனையான அனுபவம்..
ஒரு கட்டத்தில் அம்மா இருக்கும் இடம் தெரிந்து போலீஸ்காரர் உதவி கேட்கும் போது அம்மாவை பார்க்கத் துடிக்கும் அவரது என்ன ஓட்டங்கள் நடிப்புக்கு சான்று.. பழி வாங்கத் துடிக்கும் போலீஸ்காரரிடம் இவர் பணிந்து போவதும் பின்னம் பயமுறுத்துவதும் நடிப்பில் மிரட்டி இருக்கிறார்..
நாயகியாக ஃபர்சானா பலதிங்கல்.. கணவன் இல்லாத நிலை… கையில் கை குழந்தை… சிறை வாழ்க்கை. விபச்சாரக் கும்பலின் துரத்தல்.. ஆனால் எதையும் அசால்டாக எதிர் கொள்ளும் கேரக்டரில் ஜொலிக்கிறார்.. ஒரு பக்கம் பயம் இருந்தாலும் துணிச்சலுடன் இவர் போராடும் குணம் பெண்களுக்கு உதாரணம்..
சிறப்பு தோற்றத்தில் டோவினோ தாமஸ்.. தன் பங்களிப்பை சரியாக செய்துள்ளார் ஆனால் இந்த கேரக்டருக்கு இவர் தேவைதானா என்று எண்ணமும் எழுகிறது..
இன்ஸ்பெக்டராக நடித்த பவி பவி கேரக்டர் வில்லத்தனத்தில் மிஞ்சுகிறார்.. காரியமாக வென்ற வேண்டுமென்றால் காதலி கால் பிடிப்பார்… காரியம் முடிந்து விட்டால் கழுத்தைப் பிடிப்பார் என்ற தோணியில் இவரது கேரக்டர் பலே பலே
தொழில்நுட்பக் குழு…
ஒளிப்பதிவாளர் ஷைஜு காலித்.. கேரளாவின் பசுமை படர்ந்த மரம் செடி கொடி அழகை கண்முன் கொண்டு வந்து நிறுத்தி இருக்கிறார்..
சுஷின் ஷாம் இசையில் பின்னணி இசை உயிரோட்டம் கொடுத்துள்ளது..
’மஞ்சுமல் பாய்ஸ்’.. என்ற வெற்றியை கொடுத்த சிதம்பரம் இந்த படத்தின் இயக்குனர் ஆவார்..
அந்த வெற்றியை தக்கவைத்துக் கொள்ள அடுத்த திரைக்கதையில் அருமையான காட்சி அமைப்புகளை கொடுத்து இந்த படத்தை வெற்றி பெறச் செய்திருக்கிறார்.
பாலன் என்ற கேரக்டர் அதை சுற்றி நடக்கும் சூழ்நிலை… அம்மாவின் கேரக்டர் அவர்களின் சிறை வாழ்க்கை அவரது வாழ்க்கை போராட்டம் என அனைத்தையும் சில எதிர்ப்பாராத ஆச்சரியத்திருப்பவர்களுடன் கொடுத்து கதைக்கு முடிவு கட்டியிருக்கிறார் இயக்குனர் சிதம்பரம்..
எதிர்பாராத கிளைமாக்ஸ் காட்சியில் உணர்வுப்பூர்வமான அம்மா மகன் பாசத்தை வென்று இருக்கிறார்..
Balan The Boy movie review
