மதுரையின் மண்ணில் பிறந்து வளர்ந்த ஈசா, விளையாட்டு உலகில் சாதனைகள் படைத்த இளைஞராக இருந்து தற்போது தமிழ்த் திரையுலகில் நாயகனாக அறிமுகமாகி இருக்கிறார். இயக்குநர் மீரா கதிரவன் இயக்கத்தில் வெளியாகியுள்ள “ஹபீபி” திரைப்படம் மூலம் அவர் கதாநாயகனாக வெள்ளித்திரையில் அறிமுகமாகியுள்ளார். சிறுவயதிலிருந்தே தடகளப் போட்டிகளில் தீவிர ஆர்வம் கொண்ட ஈசா, தமிழ்நாடு மாநில அளவிலான உயரம் தாண்டுதல் போட்டியில் இரண்டு முறை சாம்பியன் பட்டம் வென்றுள்ளார். மேலும் சென்னை கல்லூரி வாழ்க்கையில் உயரம் தாண்டுதல் மற்றும் மும்முறை தாண்டுதல் போட்டிகளில் பல இடைக்கல்லூரி தங்கப் பதக்கங்களை கைப்பற்றி, இந்திய அளவிலான பல்கலைக்கழகப் போட்டிகளிலும் தொடர்ந்து இறுதிச்சுற்றை எட்டியுள்ளார். விளையாட்டுத் துறையில் பெற்ற ஒழுக்கம், கட்டுப்பாடு மற்றும் மன உறுதியுடன் சினிமா துறையிலும் தனது பயணத்தைத் தொடங்கிய ஈசா, நடிகர் அமீர் நடித்த இயக்குநர் ஆதம் பாவா இயக்கிய…

சமீபத்தில் வெளியான ‘TTT’ திரைப்படத்தின் வெற்றியைத் தொடர்ந்து, ஜீவா தற்போது மதுரை மண்ணின் மண்வாசனையை மையமாகக் கொண்ட ஒரு புதிய கதையில் நடிக்க உள்ளார். இந்தப் படத்தை, விமர்சகர்கள் மற்றும் ரசிகர்களின் கவனத்தை ஈர்த்த ‘கிடா’ திரைப்படத்தின் இயக்குநர் ரா.வெங்கட் இயக்குகிறார். மதுரை மற்றும் அதன் சுற்றுவட்டார பகுதிகளை பின்னணியாகக் கொண்டு உருவாகும் இந்த திரைப்படம், அப்பா – மகன் உறவின் உணர்வுகளையும், அவர்களுக்கிடையேயான பாசப் பிணைப்பையும் மையமாகக் கொண்டு உருவாகிறது. குடும்ப உறவுகளின் ஆழத்தையும், வாழ்க்கையின் நுணுக்கமான உணர்வுகளையும் பேசும் இந்தக் கதை, அனைத்து தரப்பு ரசிகர்களையும் கவரும் வகையில் வடிவமைக்கப்பட்டுள்ளது. இந்தப் படத்தை கே. குமார் தயாரிக்கிறார். ஒளிப்பதிவை பிரபல ஒளிப்பதிவாளர் எம். சுகுமார் கவனிக்க, படத்தொகுப்புப் பணிகளை கணேஷ் சிவா மேற்கொள்கிறார். அனுபவம் மிக்க தொழில்நுட்பக் கலைஞர்களின் பங்களிப்புடன் உருவாகும் இந்த திரைப்படம்,…

பல வெற்றிப் படங்கள் மற்றும் இணையத் தொடர் தயாரித்து தமிழ் ரசிகர்களிடையே புகழ் பெற்றிருக்கும் ஸ்கிரீன் சீன் மீடியா என்டர்டெயின்மென்ட் பிரைவேட் லிமிடெட் நிறுவனம், ‘அகிலன்’ மற்றும் ‘பிரதர்’ திரைப்படங்களுக்கு பிறகு ‘கராத்தே பாபு’ திரைப்படத்திற்காக  மூன்றாவது முறையாக ரவி மோகன் உடன் இணைந்துள்ளது.. சுந்தர் ஆறுமுகம் பிரம்மாண்ட பொருட்செலவில் தயாரித்திருக்கும் பரபரப்பான அரசியல் கதையான ‘கராத்தே பாபு’ படத்தை ‘டாடா’ வெற்றிப் படத்தை இயக்கிய கணேஷ் கே பாபு இயக்கியுள்ளார். ரவி மோகனின் 34-வது படமாக உருவாகியுள்ள இப்படத்தின் முதல் பாடலான ‘ராசாதி ராசா’ இன்று வெளியிடப்பட்டது. ‘கராத்தே பாபு’ படத்தின் இசை உரிமையை வாங்கியுள்ள சோனி மியூசிக் நிறுவனம் சாம் சி.எஸ். இசையில், மீனாட்சி இளையராஜா பாடல் வரிகள் மற்றும் குரலில் உருவாகியுள்ள ‘ராசாதி ராசா’ பாடலை வெளியிட்டுள்ளது. அழுத்தமான அரசியல் பாடலாக இது ரசிகர்களை கவர்ந்து வருகிறது. இப்படத்தின் இதர…

தொடக்க காலத்தில் தினசரி பார்வை நேரம் பயனாளர் ஒன்றுக்கு 5 மடங்கு அதிகரிப்பு; வடிவத்தின் மீது நிலையான ஈர்ப்பை வெளிப்படுத்துகிறது மும்பை, ஜூன் 11, 2026: இந்தியாவின் ஸ்ட்ரீமிங் துறையில் முக்கியமான முன்னேற்றமாக, JioHotstar-இல் TADKA 100 மில்லியன் பயனாளர்கள் என்ற முக்கிய மைல்கல்லை எட்டியுள்ளது. இது, உயர்தர மைக்ரோ-கான்டென்ட் ஒரு பொதுவான பொழுதுபோக்கு பிரிவாக வளர்ந்துவருவதை வெளிப்படுத்துகிறது. இந்த சாதனை, பார்வையாளர்கள் கதைகளை அனுபவிக்கும் முறையில் ஒரு பெரிய மாற்றத்தைச் சுட்டிக்காட்டுகிறது — பாரம்பரிய நீளமான உள்ளடக்கத்துடன் சேர்த்து, மொபைல் அடிப்படையிலான குறுகிய வடிவ அனுபவங்களைத் தழுவுகின்றனர். தொடக்கத்திலிருந்து, TADKA-வில் ஒரு பயனாளரின் தினசரி பார்வை நேரம் 5 மடங்கு அதிகரித்துள்ளது. இது நிலையான ஈடுபாட்டையும், வயது மற்றும் பிராந்திய ரீதியாக விரைவான ஏற்றத்தையும் காட்டுகிறது. TADKA-வின் ஈர்ப்பு பல்வேறு பார்வையாளர் குழுக்களில் வெளிப்படுகிறது. அதன்…

விரிவான மற்றும் சவாலான படப்பிடிப்பை திட்டமிட்ட படி வெற்றிகரமாக நிறைவு செய்து, பின்னணிப் பணிகளில் (Post-Production) விறுவிறுப்பாக முன்னேறி வரும் நிலையில், RS இன்ஃபோடெயின்மெண்ட் தனது மிகவும் எதிர்பார்க்கப்படும் ஸ்போர்ட்ஸ் ஆக்ஷன் ட்ராமா திரைப்படமான ‘மண்டாடி’ 2026 செப்டம்பர் 4ஆம் தேதி உலகம் முழுவதும் திரையரங்குகளில் பிரம்மாண்டமாக வெளியாக இருப்பதை மகிழ்ச்சியுடன் அதிகாரப்பூர்வமாக அறிவிக்கிறது. RS இன்ஃபோடெயின்மெண்ட் நிறுவனத்தின் சார்பில் எல்ரெட் குமார் தயாரித்துள்ள ‘மண்டாடி’, அதன் வித்தியாசமான தலைப்பு, தனித்துவமான விளையாட்டுப் பின்னணி மற்றும் கவனத்தை ஈர்த்த முதல் பார்வை (First Look) காட்சிகளின் மூலம் ஏற்கனவே ரசிகர்கள் மத்தியில் பெரும் ஆர்வத்தை ஏற்படுத்தியுள்ளது. தற்போது வெளியீட்டு தேதி அதிகாரப்பூர்வமாக அறிவிக்கப்பட்டுள்ள நிலையில், இந்த ஆண்டு மிகவும் எதிர்பார்க்கப்படும் தமிழ் திரைப்படங்களில் ஒன்றாக உருவெடுத்து வருகிறது. மதிமாறன் புகழேந்தி இயக்கியுள்ள ‘மண்டாடி’, கடலோர மக்களின் வாழ்க்கை,…