கதை…
அபிநயா இவரது கணவர் மற்றும் இவர்களது இரு குழந்தைகள் அனுமிதா – அனுஷிதா ஆகிய நால்வரும் காரில் பயணிக்கின்றனர்.. அப்போது எதிர்பாராத விதமாக பெரிய விபத்து ஏற்படுகிறது..
அதில் அபிநயா கணவர் இறந்து விடுகிறார்.. அபிநயாவுக்கு முகத்தில் பெரிய சேதம் ஏற்படுகிறது.. இதனால் அவர் முகத்தை அறுவை சிகிச்சை செய்து கொள்கிறார்…
அதன் பின்னர் வீட்டிற்கு வரும்போது குழந்தைகள் இவரை தாயாக ஏற்க மறுக்கின்றனர்.. குழந்தைகள் பயம் பதற்றத்துடன் காணப்படுகின்றனர்.. குழந்தைகள் தன்னை ஏற்க மறுப்பதால் அபிநயாவும் குழப்பம் அடைகிறார்..
நடந்தது என்ன.? இவர்களின் மனநிலை எப்படி மாறியது என்பதெல்லாம் மீதிக்கதை..
நடிகர்கள்…
அபிநயா &:அனுமிதா – அனுஷிதா.. இவர்கள் மூவரும் தான் இந்தப் படத்தில் ஆணிவேர் என்று சொல்லலாம்.. கதையை நகர்த்தி செல்லும் கதாபாத்திரங்களில் இவர்கள் மூவரும் ஜொலிக்கின்றனர்..
குழந்தைகளாக நடித்துள்ள அனுமிதா, அனுஷிதா இருவரும் மெச்சூரிட்டியான நடிப்பில் அசத்தியுள்ளனர். அபிநயாவை டார்ச்சர் செய்யும் காட்சி வேற லெவல்..
அபிநயாவும் இந்தக் குழந்தைகளுடன் போட்டி போட்டு ஸ்கோர் செய்து இருக்கிறார்..
சுப்ரமணிய சிவா சில காட்சிகள் வந்தாலும் தன்னுடைய நடிப்பில் சிறப்பான பங்களிப்பை கொடுத்துள்ளார்.. இவரைத் தொடர்ந்து சமீபகாலமாக பல படங்களில் பார்த்து வருகிறோம்..
தொழில்நுட்ப கலைஞர்கள்…
ஒளிப்பதிவாளர் முஹம்மது அமீன்.. கதை நடைபெறும் பங்களாவை இன்னும் அழகாக்கி இருக்கிறார் தன் கேமரா பதிவில்.. கே ஆர் இசையமைத்திருக்கிறார்.. ஒரு திரில்லர் படத்திற்கான உண்டான பதட்டத்தை தன்னுடைய இசையில் கொடுத்து உயிர் ஊட்டி இருக்கிறார்..
ஜெகதீஷ் என்பவர் இயக்கி வைக்கிறார் படத்தின் ஆரம்பம் முதல் இதுதான் கதை இப்படிதான் இருக்க வேண்டும் என தீர்மானித்து அழகான திரைக்கதை அமைத்து கிட்டத்தட்ட 100 நிமிட நேரத்திற்குள் படத்தை முடித்து இருக்கிறார்..
படத்தின் பட்ஜெட் சிறியது என்றாலும் ஸ்கிரீன் ப்ளே மற்றும் மேக்கிங் படத்தை அடுத்த கட்டத்திற்கு கொண்டு சென்றுள்ளது.. ஆனால் போதுமான பிரமோஷன் இல்லை என்பது வருத்தம்..
கிளைமாக்ஸ் எதிர்பாராத ட்விஸ்ட் கொடுத்து படத்தை ஆச்சரியப்பட வைத்திருக்கிறார் இந்த இரட்டையர் இயக்குனர் ஜெகதீஷ்..
